Min produsente boer op een plaas met drie van Subtrop se vier gewasse. Een so ‘n produsent is Theuns Botha van Lapland, Deerpark Tzaneen. Hy boer met 45 ha avokado’s, 6 ha lietsjies, 115 ha mango’s en ook 12 ha koejawels.
As ‘n geborene van die distrik het hy op Tzaneen skoolgegaan, weermagdiens van twee jaar voltooi en daarna sy MSc. Agric-graad (Plantpatologie) aan die Universiteit van Pretoria verwerf. Theuns se MSc. Agric-verhandeling het gehandel oor laboratoriumtegnieke om avokado-onderstamme teen wortelvrot te toets. Na sy studies het hy vir Westfalia as pakhuis- en kwekerybestuurder gaan werk en ook as die plaas-patoloog. Hier het hy Joe Darvas ontmoet en saam met Jurg Bezuidenhout vir SAAGA navorsing-spuitprogramme vir Cercospora-beheer saamgestel.
Berig deur: Wilna Stones (SUBTROP)
